"Ливерпул"нинг собиқ футболчиси Жейми Каррагер "Челси"нинг ҳужумкор ярим ҳимоячиси Коул Палмерни мақтади. Якшанба куни “кўк-анорранглилар” меҳмонда “Тоттенхэм”ни мағлуб этишди (4:3), 22 ёшли футболчи пеналтидан иккита гол урди.
"У иккита пеналтини аниқ амалга оширди ва Энцо Фернандесга ассистентлик қилди. Палмер тўпни қўлга киритса, рақиблар қўрқиб туришади.
Ўтмишга назар ташлайдиган бўлсак, “Челси”нинг кўплаб иқтидорли футболчилари бор, жумладан, Жанфранко Дзола ва Эден Азар. Бу ердаги 18 ой ичида Палмер Дзоладан кўра кўпроқ нарсага эришган бўлиши мумкин. Агар у худди шу йўналишда давом этса, "Челси"нинг энг буюк футболчиларидан бири сифатида тарихга киради", - деди Каррагер.
