"Тоттенхэм" ҳужумчиси Сон Хён Мин "Челси"дан учралган мағлубият (3:4) ҳақида фикр билдирди.
"Биз жуда хафа. Ҳозир нима дейишни билмайман. Биз жуда аҳмоқона голлар ўтказиб юбордик, мағлубиятга майда деталлар сабаб бўлгандек туюлади. Бундай йирик учрашувларда майдонга чиқиб, гол уриш керак. Биз бундай голларни ўтказиб юбормаслигимиз, бундай вазиятларга тушиб қолмаслигимиз керак.
Мен кун бўйи шу ерда туриб хатолар ҳақида гапира оламан, лекин айбни ўз зиммамга олганим маъқул. Бундай қийин дамларда биз бирга бўлишимиз керак", - деди "Тоттенхэм" сардори.
