Мадриднинг “Реал” клуби “Челси”нинг ҳужумкор ярим ҳимоячиси Коул Палмерга қизиқиш билдирмоқда.
Испан клубининг Палмерга қизиқиши унинг таркибини жаҳон даражасидаги футболчилар билан ёшартириш стратегиясини акс эттиради. Флорентино Перес ва Мадриднинг спорт раҳбарияти ярим ҳимоячининг футболчилик фазилатларини ҳам, унинг жаҳон миқёсидаги юлдузга айланиш салоҳиятини ҳам қадрлайди. Бироқ, футболчининг нархи катта тўсиқ бўлади.
Коул Палмер жорий мавсум “Челси” сафида 17 та ўйин ўтказди. Уларда у 11 та гол урди ва 6 та голли узатмани амалга оширди. Футболчининг "кўклар" билан тузилган меҳнат шартномаси 2033 йилнинг ёзига қадар тузилган. Transfermarkt англиялик футболчини 90 миллион еврога баҳоламоқда.
