"Ливерпуль" марказий ҳимоячиси Виржил ван Дейк фаолиятини Испания чемпионатининг топ-клубида давом эттириши мумкин. Бу ҳақда Todofichajes портали саҳифаларида хабар берилди.
Манбанинг хабарига кўра, 33 ёшли нидерландиялик футболчига Мадриднинг "Реал" клуби қизиқиш билдирмоқда.
"Лос Бланкос" раҳбарияти ҳимоядаги муаммолар туфайли ажойиб ҳимоячи қидирмоқда. Мадридликлар ван Дейкка 3 йиллик шартнома таклиф қилиши мумкин. Виржилнинг "Ливерпуль" билан амалдаги шартномаси келаси йилнинг ёзида тугайди.
Англия Премьер-лигасининг жорий мавсумида у 14 та ўйинда майдонга тушиб, бир гол ва голли узатмани амалга оширди.
