"Рейнжерс", "Милан" ва "Сьон" собиқ футболчиси, ҳозирда Хорватиянинг "Хайдук" клуби бош мураббийи Женнаро Гаттузо 22 йил ичида илк бор соқолини олдирди.
Италиялик мутахассис буни "Соқол аукциони" деб номланган тадбирда иштирок этиб, хайрия мақсадида қилган - машҳурлар эркаклар саломатлиги билан шуғулланадиган ташкилотларга хайрия эвазига соқол ва мўйловларини олиб ташлашга ваъда беришган.
Гаттузо 2013 йилдан бери мураббийлик қилиб келади. 12 йилдан камроқ вақт ичида "Палермо", "Пиза", "Милан", "Наполи", "Валенсия" ва "Марсел"да ишлашга муваффақ бўлди. Женнаро 2024 йилда “Хайдук”ни қабул қилиб олди. Гаттузо мураббий сифатида 2019/2020 йилги мавсумда “Наполи” билан Италия кубогини ютган.
