Иқтидорли ярим ҳимоячи Лазизбек Мирзаев Испаниянинг "Леганес" клубига трансфер қилинди.
Маълумот учун, "Леганес" энг юқори дивизион - Ла Лигада иштирок этади.
Лазизбек Мирзаев футболдаги илк қадамларини "Локомотив" футбол мактабида Сайдулло Турсунов қўл остида йўлга қўйган бўлиб, ўз ёш тоифасида Ўзбекистондаги энг иқтидорли футболчилардан бири ҳисобланади.
"Унинг Ўзбекистон U-17 терма жамоасида сардор сифатида ҳаракат қилиши ҳам бежиз эмас. Биз Лазизбек Мирзаевга миннатдорчилик билдирган ҳолда Испаниядаги фаолиятига омад тилаб қоламиз" - дейилади "Локомотив" баёнотида.
