Iqtidorli yarim himoyachi Lazizbek Mirzayev Ispaniyaning "Leganes" klubiga transfer qilindi.
Ma’lumot uchun, "Leganes" eng yuqori divizion - La Ligada ishtirok etadi.
Lazizbek Mirzayev futboldagi ilk qadamlarini "Lokomotiv" futbol maktabida Saydullo Tursunov qo‘l ostida yo‘lga qo‘ygan bo‘lib, o‘z yosh toifasida O‘zbekistondagi eng iqtidorli futbolchilardan biri hisoblanadi.
"Uning O‘zbekiston U-17 terma jamoasida sardor sifatida harakat qilishi ham bejiz emas. Biz Lazizbek Mirzayevga minnatdorchilik bildirgan holda Ispaniyadagi faoliyatiga omad tilab qolamiz" - deyiladi "Lokomotiv" bayonotida.
