Килиан Мбаппе "ПСЖ"дан 55 миллион евро ундиришда давом этмоқда.
Футболчининг фикрича, клуб маош ва бонуслар бўйича қарзини тўлаши керак. Парижликлар бунга рози эмас - улар Мбаппе эркин агент сифатида кетганидан кейин ҳеч нарса тўламасликлари керак деб ҳисоблайдилар.
RMC Sport нашри хабарига кўра, Франция Профессионал Футбол Лигаси (LFP) Мбаппенинг "ПСЖ"нинг қарзи бўйича сўнгги мурожаатини рад этди. Гап шундаки, клуб аввалроқ Париж судига LFPга қарши даъво аризаси билан чиққан эди. Ушбу фактни инобатга олган ҳолда, LFP интизом қўмитаси Мбаппенинг янги мурожаатини қабул қилиб бўлмас деб ҳисоблайди.
Илгари LFP "ПСЖ"ни Мбаппенинг қарзини тўлашга мажбур қилганди, аммо клуб ўз позициясида турибди.
