«Барселона» бош мураббийи Ханс-Дитер Флик дарвозабон Иньяки Пеньянинг келажаги борасидаги режалари ҳақида бир қарорга келди.

Марк-Андре тер Штеген жиддий жароҳат олганидан сўнг испаниялик футболчи «блауграна»нинг асосий дарвозабони бўлди. Пеньянинг шартномаси бир ярим йилдан кейин тугайди, шунинг учун унинг келажаги ноаниқ деб ҳисобланган. Габриэль Санснинг сўзларига кўра, «Барселона» бош мураббийи Флик 25 ёшли футболчи билан шартномани узайтириш учун рухсат берган.

Иньяки Пенья бу мавсумда каталонияликлар сафида 17 та ўйинда майдонга тушиб, 19 та гол ўтказиб юборди ва 6 та ўйинда дарвозаси дахлсизлигини сақлаб қолди. Умуман олганда, футболчи Ла Лига гранди асосий таркибида 39 та ўйин ўтказган.