"Барселона" ярим ҳимоячи Дани Ольмони мавсумнинг иккинчи қисми учун қандай рўйхатдан ўтказишни кўриб чиқмоқда. Ҳатто, агар рўйхатдан ўтиш муваффақиятли якунланмаса, Ольмо Каталония клубини эркин агент сифатида тарк этиши мумкинлиги ҳақида ҳам маълумотлар бор эди.
Ольмонинг аҳволини инобатга олган ҳолда, "Барселона" ҳимоячи Андреас Кристенсенни январь ойида 30 миллион еврога сотмоқчи. 28 ёшли даниялик футболчига "Интер", "Ювентус" ва Англия Премьер-лигаси клублари қизиқиш билдирмоқда. Бу ҳақда журналист Руди Галеттига таяниб, Transfer News Live хабар бермоқда.
Андреас Кристенсен мавсум бошида жароҳат олганди. Ҳимоячи бир неча ҳафтадан сўнг сафга қайтиши керак.
