Бразилия терма жамоаси ва “Реал Мадрид” клубининг собиқ ҳимоячиси Роберто Карлос 2002 йилги “Олтин тўп” учун овоз беришда иккинчи ўринни эгаллагани ҳақида гапирди. Ўша йили мукофот Роналдо қўлга киритганди.
“Мен ҳар доим Роналдога ўша йили “Олтин тўп” меники бўлгани, у эса мендан ўғирлаганини айтаман. 2002 йилги Жаҳон чемпионати финалигача фаворит бўлганимни эшитдим, мусобақанинг сўнгги 90 дақиқасида мукофотни йўқотиб қўйдим... Лекин ҳимоячи сифатида “Олтин тўп” учун баҳсда иккинчи ўринни эгаллаш ажойиб натижа. Фақатгина Франс Беккенбауэр, Маттиас Саммер ва Фабио Каннаваро ҳимоячи бўлиб ушбу мукофотга эга чиқди. Шунинг учун иккинчи ўринни олганим билан фахрланаман”, - дейди Карлос.
Эслатиб ўтамиз, ЖЧ—2002 финалида Бразилия терма жамоаси Германияни 2:0 ҳисобида мағлуб этганди. Ушбу учрашувда Роналдо дубль қайд этган.
