"Манчестер Сити" бош мураббийи Пеп Гвардиола жорий мавсумни сақлаб қолиш умидида қишки трансфер ойнасида иккита трансферни амалга оширишга тайёр.
"Мансестер Сити" барча мусобақалардаги сўнгги 10 ўйиннинг 7 тасида мағлуб бўлди ва статистик маълумотларга кўра, ноябрь ойи бошидан бери Европанинг топ-5 лигасида энг кўп гол ўтказиб юборган жамоа бўлди (9 ўйинда 21 та гол).
Гвардиола таназзулни жароҳатлар сонига туширишда давом этмоқда ва бу шунчаки Родрининг йўқлиги эмас - якшанба куни "Манчестер Юнайтед" билан дерби олдидан Хосепнинг ихтиёрида бор-йўғи учта ҳимоячи бор.
Daily Mirror нашри хабарига кўра, "Манчестер Сити" январь ойида трансфер бозорига кириб, биринчи навбатда "Реал Сосьедад"дан Мартин Субименди ёки "Аталанта"дан Эдерсон каби футболчиларни сотиб олмоқчи.
Гвардиола, шунингдек, формасиз Эрлинг Холанднинг юкини бўлишиш ва Хулиан Альвареснинг кетиши билан қолган бўшлиқни тўлдирадиган ҳужумчини олиб келмоқчи.
"Манчестер Сити" учун пул муаммо эмас - улар ёзги ойнани камтарона ўтказишди ва молиявий фейр-плей қоидалари бўйича қулай вазиятда.
