Таниқли немис инсайдери Кристиан Фалк "РБ Лейпциг" "ПСЖ"нинг ижара асосида ўйнаётган нидерландиялик ярим ҳимоячиси Хави Симонсни доимий равишда ўз сафига қўшиб олмоқчилиги ҳақида хабар берди.

Немис клуби нидерландиялик футболчи учун 50 миллион евро таклиф қилишга тайёр. Аммо парижликлар футболчи учун катта сумма олишни исташмоқда.

"Лейпциг" Хави Симонсни доимий равишда жамоада сақлаб қолишдан манфаатдор. "ПСЖ" унинг хизматлари учун тахминан 80 миллион евро олмоқчи, бу "Лейпциг" учун жуда қиммат. Улар Симонсни бошқа клубга сотишса, 50 миллион евро, кейин яна 30 миллион евро ҳақида ўйлашаётганини эшитдим.

Қизиғи шундаки, "Лейпциг" ҳозирда "Ливерпул"нинг собиқ бош мураббийи Юрген Клоппда яширин қуролга эга бўлиб, унга ишониш мумкин. У Ред Буллдаги янги вазифаларини 1 январдан бошлайди ва клуб у Симонсни қолишга кўндира олишига умид қилмоқда", - дея хабар беради Фалк.

Аввалроқ, ОАВда Хави Симонс хизматларига "Ливерпуль" ва "Арсенал" клублари қизиқиш билдираётгани ҳақида маълумотлар пайдо бўлганди.