"Палмейрас" вингери Эстевао Виллиан Лионель Месси билан учрашувни интиқлик билан кутмоқда.
Бразилия клуби клублар ўртасидаги жаҳон чемпионатида А гуруҳида ўйнайди, "Порту," Мисрнинг "Ал-Аҳли" ва "Интер Майами" клублари ҳам шу квартетдан ўрин олган. МЛС жамоаси шарафини 17 ёшли бразилиялик ёш юлдузнинг кумири Месси ҳимоя қилади.
"Биз Мессининг жамоаси билан бир гуруҳга кирганимизни эшитганимда ишонгим келмади. Мен ўз кумиримга қарши ўйнай оламан. Мен учун бу алоҳида дақиқа бўлади, мен ундан албатта футболка сўрайман," - деди келаси ёзда "Челси" сафига бориб қўшиладиган Эстевао.
