"Ливерпуль" ҳужумчиси Луис Диас "Милан" эътиборини тортди.
"Қизиллар" раҳбарияти колумбиялик футболчи билан шартномани узайтиришдан манфаатдор, бироқ футболчи ҳозирги маошини икки баравар оширишни талаб қилмоқда. Бошқа клублар, жумладан, "Милан" ҳам вазиятни кузатмоқда. Anfield Watch хабарига кўра, "россонерилар" вакиллари потенциал ҳамкорликни муҳокама қилиш учун аллақачон форвард билан боғланишган.
Луис Диаснинг "Ливерпуль" билан амалдаги шартномаси 2027 йилгача мўлжалланган. Transfermarkt экспертларининг фикрича, 27 ёшли футболчининг нархи 80 миллион еврони ташкил қилади.
