Ёшлигида Александр Зинченко билан бирга ишлаган украиналик мураббий Сергей Борецкий Россияда футболчини “Уфа”да ўйнаб юрган пайтлари фуқароликни қабул қилишга кўндиришга ҳаракат қилишганини айтди.
"Саша Россияга кетди. Профессионал нуқтаи назардан, Зинченко учун, маълум бўлишича, "Шахтёр"дан кетиш энг яхши вариант эди.
Ўшанда у билан шу мавзуда гаплашган эдик. Унинг Россия терма жамоасида ўйнаш хаёли йўқ эди. Зинченко менга “Уфа”дан ижарага кетишга тайёрлигини айтди, чунки улар унга босим ўтказишди, унга Россия фуқаролигини олиш шартини қўйишди", — дея Борецкийнинг сўзларини келтиради “Украина Футбол”.
