"Ювентус" бош мураббийи Тьяго Мотта Италия кубоги доирасида "Кальяри"га қарши ўйинда (4:0) жамоасининг ўйини ҳақида гапирди.
"Яхши меҳнат. Ҳар доимгидек мухлислар бизни қўллаб-қувватлашди. Мен аллақачон айтиб ўтганимдек, улар ўз ҳис-туйғуларини ифода этиш эркинлигига эга, аммо биз уларга доимо муҳтожмиз.
Футболчилар машғулотларда бор кучларини бериб, қийин вазиятдан яхши чиқишмоқда. Баъзида натижаларга эришамиз, баъзида эса йўқ. Лекин бизда ажойиб жамоа бор, ўз олдимизга юқори мақсадлар қўйишимиз керак", - деди Мотта Canale 5 нашрига.
