"Бавария" ярим ҳимоячиси Поль Уаннер Дортмунднинг "Боруссия" клуби қизиқишига тушди.
Жорий мавсумда 18 ёшли футболчи “Хайденхайм”да ижара асосида ўйнамоқда. Журналист Кристиан Фалкнинг сўзларига кўра, "Боруссия" ёш ҳужумкор ярим ҳимоячининг ўйинидан қойил қолган ва уни трансфер қизиқишлари рўйхатига қўшиб олган. “Байер”, “Штутгарт”, “РБ Лейпциг” ва “Айнтрахт” клублари ҳам ўсиб бораётган юлдузга даъвогарлик қилмоқда.
Transfermarkt портали экспертлари Поль Уаннернинг қийматини 15 миллион еврога баҳоламоқда. Футболчининг "Бавария" билан амалдаги шартномаси 2027 йилнинг ўрталарига қадар тузилган.
