"Манчестер Сити" рахбарияти жамоанинг бўлажак бош мураббийи олдига янгича аниқ вазифалар қўймоқчи, дея хабар беради Британия матбуоти. Клуб ижрочи директори Ферран Сорианонинг қайд этишича, "шаҳарликлар" кейинги беш йилда бешта соврин ютишни режалаштирмоқда.
"Ўйлайманки, келаси мавсумни бу йилгига қараганда анча яхшироқ ўткзамиз. Аммо бу билан бир ёки иккита совринни қўлга киритамиз, демоқчи эмасман. Биз ҳозирданоқ кейинги беш йилликда бешта совринни қўлга киритишни режалаштириб турибмиз. Айтмоқчиманки, қайсидир йили биз бирорта ҳам соврин ютмаслигимиз, лекин яна қайсидир мавсум иккита турнирда ғолиб чиқишимиз мумкин. Мен Чемпионлар лигаси, Англия чемпионати ёки кубоги мусобақаларини назарда тутяпман.
Эслатиб ўтамиз, "шаҳарликлар" Роберта Манчини ўрнига муносиб номзод қидирмоқда. Матбуотдаги хабарларга қараганда, янги бош мураббий "Малага"ни тарк этган Мануэль Пеллегрини бўлиши эҳтимолдан ҳоли эмас.
