Испания Ла Лигаси чоршанба куни декабрь ойининг энг яхши футболчиси соврини учун курашаётган футболчилар рўйхатини эълон қилди.

Рўйхатга «Реал»нинг ҳужумкор ярим ҳимоячиси Жуд Беллингем киритилган. Унинг соврин учун рақобатчилари: «Барселона»дан Рафинья, «Атлетико»дан Антуан Гризманн, «Атлетик»дан Ойян Сансет ва «Лас-Пальмас»дан Сандро.

Ҳозирда «Барселона» Испания чемпионати турнир жадвалида биринчи ўринда бормоқда (18 ўйинда 38 очко). «Атлетико» иккинчи (17 ўйинда 38 очко). Кучли учликни «Реал Мадрид» якунлаб турибди (17 ўйинда 37 очко).