"Арсенал" бош мураббийи Микель Артета Англия лига кубоги чорак финалида "Кристал Пэлас" устидан қозонилган ғалабадан сўнг (3:2) ўз фикрларини билдириб ўтди. Хет-трик муаллифи "канонирлар"нинг бразилиялик ҳужумчиси Габриэль Жезус бўлди.
"Ҳозир ҳамма нарса барқарорликка боғлиқ бўлади. Бу жамоага кўп нарсаларни олиб келган учқун лаҳзаси эди. Биз Жезусга ишонишимиз мумкин, у ўйиннинг боришини ўзгартира олади. Биз унга кўпроқ имконият беришимиз керак", - дея Артета сўзларини келтирмоқда BBC.
"Арсенал" навбатдаги ўйинини 21 декабрь, шанба куни яна "Кристал Пэлас"га қарши ўтказади.
