Лукас Васкес "Реал Мадрид"нинг ФИФА қитъалараро кубоги финалидаги ғалабаси ҳақида гапирди.
Мадридликлар “Пачука” устидан ғалаба қозонди (3:0) ва кубокни қўлга киритди.
"Биз яна бир бор исботладикки, бизнинг амбициямиз ўзгармаган ва биз совринларга жуда ўчмиз.
Ҳеч қачон ўзимизга шубҳа қилмаймиз, биз бир жамоамиз ва ҳамма нарса учун курашамиз. Охирги бир неча ўйинларда яхшиландик, жамоа аллақачон бошқача туйғу уйғотмоқда.
Майдонда ўйнаб, жамоага ёрдам бера олганимдан жуда хурсандман. Кўп йиллардан бери шу ердаман, танқид мени унчалик безовта қилмайди. Мен ўйнаган ҳар бир ўйинимни таҳлил қиладиган ва қилаётган ишимизни биладиган одамлар билан ишлайман”, - дейди “Реал” ҳимоячиси.
