Каталонияликлар "Сантос" хужумчиси Неймар трансфери учун сўнгги нархни эълон қилди. Хабар муаллифи Globe Esporte нашрига кўра, "Барселона" Бразилия клубининг 21 ёшли вакили учун 23 миллион евро таклиф қилган.
Агар "Сантос" бу сафар ҳам рад этса, Неймар "кўк-анорранглилар" сафига 2014 йилги жаҳон чемпионатидан кейин келиши мумкин. Аввалроқ бразилияликлар "Барса"нинг 22 миллионлик таклифини рад этишганди.
Матбуотда жуда кўп тилга олинаётган Неймарнинг Каталонияга бу йил келмаслиги тобора ойдинлашиб бормоқда. Буни футболчининг ўзи ва клуб вакиллари, қолаверса хужумчининг отаси ҳам таъкидлаб ўтишди.
