Аввалроқ матбуотда «Реал» ва «Ливерпуль» ярим ҳимоячи алмашиши мумкинлиги ҳақида хабарлар тарқалган эди. Улар Орельен Тчуаменини Англияга ва Райан Гравенберх эса Испанияга кўчиб ўтишлари мумкинлиги ҳақида ёзишган.
«Mirror» нашрининг хабар беришича, январь ойида бундай келишув бўлиши даргумон. Айни дамда Гравенберх «Ливерпуль»дан кетиш ҳақида ўйламаяпти - нидерландиялик футболчи бор эътиборини мерсисайдликлар клубида ўйнашга қаратган.
Райан Гравенберхнинг «Ливерпуль» билан амалдаги шартномаси 2028 йилнинг ўрталарига қадар мўлжалланган. Орельен Тчуаменининг «Реал Мадрид» билан шартномаси ҳам худди шундай муддатга тузилган.
