"Манчестер Сити" мавсум давомида кадрлар билан боғлиқ муаммоларга дуч келмоқда. “Сити” касалхонасига охирги бўлиб ҳимоячи Рубен Диаш кирди.
Жума куни бўлиб ўтган матбуот анжуманида бош мураббий Пеп Гвардиола португалиялик футболчи тахминан 3-4 ҳафтани ўтказиб юборишини айтди.
"У уч ёки тўрт ҳафтани ўтказиб юборади. Бу мушак жароҳати эди. “Манчестер Юнайтед”га қарши 75 дақиқадан сўнг у ниманидир ҳис қилди. У майдонда қолди, чунки у кучли ва ҳозир жароҳат олган", - деди Гвардиола.
Шу тариқа, Рубен Диаш бўлажак ўйинларда "Манчестер Сити"га ёрдам бермайди. Шанба куни Пеп Гвардиола жамоаси “Астон Вилла”га қарши майдонга тушади.
