"Аталанта" ярим ҳимоячиси Шарль де Кетеларега Англия Премьер-лигаси клублари қизиқиш билдирмоқда.
Caughtoffside хабарига кўра, 23 ёшли футболчи "Ливерпуль"нинг радарига тушди, "Вест Хэм" ҳам бельгиялик учун курашмоқчи. Transfermarkt портали экспертларининг фикрича, "Аталанта" юлдузининг нархи 38 миллион еврони ташкил қилади.
Шарль де Кетеларе ушбу мавсумда Жан-Пьеро Гасперини жамоаси сафида 23 та ўйинда майдонга тушиб, 8 та гол ва 9 та голли узатмага муаллифлик қилган. Футболчининг бергамоликлар билан шартномаси 2027 йилнинг ўрталарига қадар тузилган.
