Яп Стам Маркус Рэшфорд ва Алехандро Гарначо ўртасидаги вазият ҳақида гапирди.
Аввалроқ Рубен Аморимнинг қарорига кўра, Рэшфорд ва Гарначо "Манчестер Сити" билан дерби (2:1) учун "Манчестер Юнайтед" таркибига киритилмаганди.
"Бундан ажабландим. Биз биламизки, Рэшфорд энг зўр вақтида хавфли ўйинчи ва Гарначо ўзининг энг юқори чўққисида яхши ўйнаган.
Гарначо сўнгги пайтларда тушкунликка тушганга ўхшайди, бу янги тизим билан боғлиқ бўлиши мумкин, Рэшфорд эса унга парво қилмаётгандек майдонда юради ва бунга ишонишим қийин.
Шиддатли футбол ўйнамоқчи бўлган мураббий учун яхши формадаги, ўзига ишонган ёки ҳеч бўлмаганда жамоа учун жуда қаттиқ ишлашга тайёр футболчилар керак.
Агар сиз мураббий сифатида баъзи футболчиларнинг бунга қодир эмаслигини, шиддатга тайёр эмаслигини кўрсангиз, қаттиқ қарорлар қабул қилиш керак.
Бу Рубен Аморимнинг яхши томони ва менга унинг бундай қарор қабул қилгани жуда ёқди", – Стам.
