"Барселона" сўнгги 20 йил ичида биринчи марта Ла Лиганинг 7 та ўйинида атиги 5 очко тўплади.

Каталония жамоаси Испания чемпионатининг 18-турида ўз майдонида "Атлетико"ни қабул қилиб, 96-дақиқада гол ўтказиб юборди (1:2).

Ла Лиганинг сўнгги етти учрашувида "Барса" 4 та мағлубият, 2 дуранг ва ғалаба, яъни 5 очкога эга.

Охирги марта "Барселона" бу даврда 2003 йилнинг ноябридан 2004 йилнинг январигача бундай ёмон натижалар қайд этган эди.

Ўшанда жамоага Франк Райкард устозлик қилган. "Кўк-анорранглилар" Ла Лига ўша мавсумида "Валенсия"дан 5 очко ортда қолиб, иккинчи ўринни эгаллашган.