"Реал Сосьедад" ярим ҳимоячиси Мартин Субименди Англияга ўтишни рад этганидан афсусда эмас.
Испаниялик футболчига ёзда “Ливерпул”дан таклиф тушган, бироқ рад жавобини берганди.
"Мен таътилда эдим ва бу мени ҳайратда қолдирди. Мен бундай нарсани режалаштирмаганман. Мен учун ўша вақт осон бўлмади ва барча ижобий ва салбий томонларини ўйлаб кўрганимдан сўнг, ҳозирги клубимда қолиш яхшироқ, деб қарор қилдим.
Мен ҳаётда бир марта келадиган имкониятларга ишонмайман. Агар сиз яхши бўлсангиз ва ҳақиқатан ҳам бирор нарсани хоҳласангиз, эртами-кечми бунга эришасиз.
Шошилишнинг ҳожати йўқ. Бу унчалик қийин қарор эмас эди. “Реал Сосьедад”да муҳим мавсумни ўтказаётганимни билардим. Қолиш учун кўп сабаблар бор эди”, - деди 25 ёшли ярим ҳимоячи.
