"Ньюкасл"нинг швециялик ҳужумчиси Александр Исак ақл бовар қилмас формага кирган.
Хуллас, шанба оқшомида ҳужумкор ўйинчи “Ипсвич” дарвозасини уч марта ишғол қилди ва “зағизғонлар” меҳмонда 4:0 ҳисобида ғалаба қозонишди.
Шу тариқа, Исак декабрь ойида ўзи иштирок этган бешта ўйинда олтита гол урди. Аввалроқ у “Ливерпуль”, “Брентфорд” ва “Лестер” дарвозаларини бир мартадан ишғол қилган эди.
У фақат шу ҳафта Лига кубоги доирасида "Брентфорд"га қарши ўйинда дарвозани ишғол эта олмаган.
Айтганча, Исак ўзининг хет-трикидан сўнг 10 та гол билан Премьер-лиганинг жорий мавсуми тўпурарлари рейтингида тўртинчи ўринни эгаллаган.
