Леверкузеннинг "Байер" клуби ўзининг расмий сайти орқали ҳимоячи Пьер Инкапье билан шартномани узайтирганини эълон қилди.
22 ёшли эквадорлик футболчининг "фармацевтлар" билан тузган янги меҳнат шартномаси 2029 йилнинг ўрталарига қадар амал қилади.
Яъни, томонлар меҳнат шартномасини яна икки йилга узайтиришди. Илгари Инкапье мунтазам равишда трансфер миш-мишларининг бош мавзусига айланганди. Сўнгги пайтларда бу миш-мишлар хотима топди.













