"Челси"нинг саккиз ўйиндан иборат ғалабали сериясига чек қўйилди.
Бугун Энцо Мареска шогирдлари АПЛнинг 17-турида "Эвертон" билан дуранг ўйнади (0:0).
Бунгача "Челси" АПЛ ва Конференциялар лигасида кетма-кет 8 ўйинда ғалаба қозонганди - "кўклар" охирги марта 10 ноябрь куни "Арсенал" билан дербида (1:1) очко йўқотишганди.
"Челси" барча мусобақаларда қаторасига 12 учрашувдан бери мағлуб бўлмаяпти, бу даврда 9 та ғалаба ва 3 та дуранг қайд этган.
Жамоанинг сўнгги мағлубияти 30 октябрь куни Англия лига кубоги доирасида "Ньюкасл"дан мағлуб бўлган (0:2).
"Челси" навбатдаги ўйинда "Фулхэм" билан ўйнайди. 26 декабрь куни Премьер-лигада 18-тур ўйинлари бўлиб ўтади.
