Давид Луиз фаолиятини "Фламенго"да давом эттирмайди. Якшанба куни "қизил-қоралар" ўз ижтимоий тармоқларида 37 ёшли бразилиялик футболчи билан шартномани узайтирмасликларини эълон қилишди.

"Фламенго якшанба куни эълон қилинганидек, марказий ҳимоячи Давид Луиз билан шартномани узайтирмасликка қарор қилди. Биз футболчига фидойилиги, профессионаллиги ва жамоа билан эришган унвонлари учун самимий миннатдорчилигимизни билдирамиз. Унинг янги фаолиятида омад тилаймиз. Раҳмат, Давид Луиз!", - дейилади жамоа баёнотида.

Ҳозирда фахрий ҳимоячи келажакдаги фаолияти ҳақида бошқа маълумот бермади. Эслатиб ўтамиз, “Фламенго” таркибида Давид Луиз Либертадорес кубогини қўлга киритган ва икки марта Бразилия кубогини қўлга киритган.