"Ливерпуль" ўнг қанот ҳимоячиси Трент Александр-Арнольд билан шартномани узайтирмоқчи.

Амалдаги келишув олти ойдан кейин тугайди, бироқ "қизиллар" раҳбарияти юлдузни сақлаб қолишга қарор қилган. Mirror Football хабарига кўра, "Ливерпуль" Трент билан шартномани яна бир йилга узайтириш имконияти билан 4 йиллик шартнома имзолашни режалаштирмоқда. 26 ёшли англияликнинг маоши ҳафтасига 300 минг еврогача оширилади. Ҳозирда футболчи ҳафтасига 200 минг евро атрофида маош олади.

Мадриднинг "Реал" клуби узоқ вақтдан буён Трент Александр-Арнольдни ўз сафига қўшиб олиш истагида бўлиб, футболчини эркин агент сифатида ўзига жалб этиш умидида.