"Галатасарой" ҳужумчиси Виктор Осимхен "Манчестер Юнайтед"га ўтиши мумкин.

25 ёшли футболчи ҳамон "Наполи"га тегишли. Нигериялик футболчининг "Галатасарой" билан ижара шартномаси мавсум охиригача амал қилади, аммо агар бошқа клуб уни 75 миллион еврога сотиб олишга қарор қилса, январь ойида ижара бекор қилиниши мумкин. Football Italia хабарига кўра, "Манчестер Юнайтед" бу имкониятни жиддий кўриб чиқмоқда. "Қизил иблислар" вакиллари аллақачон Осимхен атрофидагилар билан боғланишган.

Тахминларга кўра, томонлар шартнома шартлари бўйича ҳеч қандай муаммосиз келишиб олишади, бироқ муаммо трансфер нархида бўлиши мумкин - "Галатасарой" ижара муддатидан олдин бекор қилингани учун қўшимча товон пули олишга ҳақли.