Қозоғистон футбол федерациясининг янги президенти Станислав Черчесовни терма жамоа бош мураббийлигидан бўшатиш тўғрисида қарор қабул қилди. Бу ҳақда ўзининг Телеграм-каналида шарҳловчи Эрмуҳамед Маулен маълум қилди.

Ҳозирда Қозоғистон футбол раҳбарияти Черчесов ўрнига икки нафар маҳаллий ва икки нафар европалик мураббийни кўриб чиқмоқда. Шу билан бирга, адвокатлар россиялик билан шартномани бекор қилиш имкониятини ўрганмоқда.

Эслатиб ўтамиз, Станислав Черчесов бошқарувида Қозоғистон терма жамоаси Миллатлар лигаси мавсумида олтита ўйинда атиги бир очко қўлга киритди ва бирорта ҳам гол ура олмади.