"Интер" президенти Жузеппе Маротта клуб муваффақияти ҳақида фикр билдирди. "Нерадзуррилар" 2021 йилнинг ёзида бош мураббий бўлган Симоне Индзаги қўл остида ажойиб натижаларга эришмоқда.
“Интер” футболнинг асосий кучлари қаторига қайтди. Клуб яна юқори поғонада бўлиб, қўлга киритилган совринлар сонини ҳисобга олган ҳолда ўзининг тарихий нисбатларига мос келади. Биз худди шундай руҳда давом этамиз", - деди Маротта.
Ўтган мавсумда "Интер" А Серия ғолибига айланди. Айни пайтда миланликлар учинчи ўринда, аммо битта ўйин кам ўтказиб пешқадам "Аталанта"дан атиги 3 очко ортда қолмоқда.
