ЦСКА ва Ўзбекистон терма жамоаси ярим ҳимоячиси Аббосбек Файзуллаев Sport24 журналистлари Тигран Арутюнян ва Андрей Бабич билан суҳбатда "Манчестер Сити" ҳужумчиси Эрлинг Холландга ўхшаш кўзойнак сотиб олганини ва уларнинг Россияда мавжуд эмаслигини айтиб ўтди.

— Барча жараёнларни шикастланишларсиз қандай ўтказяпсан?
— Аввало, Аллоҳдан мени жароҳатлардан сақлашини сўрайман. Шу билан бирга, тикланишга қаттиқ эътибор бераман — массаж, совуқ сув, криосауналар. Базадан ҳамма кетгандан кейин кетаман. Уйда ҳам кўп нарсалар бор: лимфодренаж штангалари, массаж пистолети ва кўк нурни фильтрлайдиган кўзойнаклар — Холандникига ўхшаш.

— Бу кўзойнаклар қандай ёрдам беради?
— Улар уйқудан бир неча соат олдин тақилади. Таққан заҳотингиз организм мелатонин ишлаб чиқара бошлайди, бу эса уйқуни чуқурлаштиради ва организмнинг яхшироқ тикланишига ёрдам беради. Шунингдек, уларда кўзлар дам олади. Аммо бир шарт бор — уларни таққанингиздан кейинги дастлабки 45 дақиқа мобайнида гаджетларга қараш мумкин эмас. Бу жуда муҳим.