"Барселона"нинг 27 ёшли ярим ҳимоячиси Френки де Йонг Каталония клубининг 2026 йилнинг ёзида тугайдиган шартномасини узайтириш таклифига жавоб бермади. Бу ҳақда Mundo Deportivo хабар бермоқда.
Манбага кўра, "кўк-анорранглилар" раҳбариятининг аксарияти нидерландиялик футболчини сотиш тарафдори. Де Йонг "Барселона"нинг асосий ўйинчиси ҳисобланмайди. Клуб ҳали ҳам ярим ҳимоячини юқори савияли футболчи деб ҳисоблайди, бироқ у сўнгги мавсумларда ўзини намоён қила олмади.
Жорий мавсумда де Йонг барча мусобақаларда 13 та учрашувда иштирок этиб, битта гол ва битта голли узатмани амалга оширди. Transfermarkt порталида берилган маълумотларга кўра, футболчининг бозор қиймати 20 миллион еврони ташкил қилади.
