"Ливерпуль" бош мураббийи Арне Слот "Вест Хэм"га қарши учрашув олдидан ўтказилган матбуот анжуманида ўз фикрлари билан ўртоқлашди.  

Нидерландиялик мутахассис лигада етакчилик қилиш ва бу билан боғлиқ босим ҳақида сўз юритди:  
 
"Агар сиз "Ливерпуль" каби катта клубда ишлайдиган бўлсангиз, босим ҳар доим мавжуд. Шундай экан, биз каби жамоа учун лигада етакчи бўлиш ғалати ҳол эмас.  

Биз бу лигада қанчалик кучли жамоалар борлигини биламиз. Улар ҳам деярли ҳар бир ўйинда ғалаба қозона олишади. Лекин қўшимча босим йўқ — чунки бундай клубда ишлаш босими доим бор", — деди Слот.  

У жамоанинг меҳмондаги ўйин формаси ҳақида ҳам фикр билдирди:  
 
"Менимча, меҳмондаги формамиз яхши, лекин бу, эҳтимол, мавсумнинг биринчи ярмида қайси жамоаларга қарши ўйнаганимизга боғлиқ. Биз асосан уйда турнир жадвали юқори қисмидаги жамоалар билан, меҳмонда эса қолганлари билан ўйнадик. Бу натижаларга таъсир қилган бўлиши мумкин.  

Биз меҳмонда ҳам, уйда ҳам кучлимиз. Биз у ерда бу ерга қараганда кучлироқмиз, деб ўйламайман. Мавсум якунида ҳар бир жамоа билан уйда ҳам, меҳмонда ҳам ўйнаб бўлганимизда, қаерда ўзимизни яхшироқ кўрсатганимизни таҳлил қиламиз. Аммо биз меҳмонда ҳам, уйдаги ўйинларда ҳам мағлубиятга учраш қийин бўлган жамоа эканимизни биламиз", — деди мураббий.  

Шунингдек, Слот Доминик Собослаининг ўйинга таъсири ҳақида ҳам тўхталиб ўтди:  
 
"Доминик Собослаи "Тоттенхэм Хотспур"га қарши ажойиб ўйнади. Бизда режа бор эди, у "Вест Хэм"га қарши ҳам ажойиб ўйнаши керак эди. Бироқ у ўйинда қатнашолмайди, шунинг учун бошқа бир ўйинчи ўзини кўрсатиши керак бўлади", — деди Слот.  

"Вест Хэм" – "Ливерпуль" ўйини 29 декабрь куни Тошкент вақти билан 22:15 да бўлиб ўтади.