"Барселона" бош мураббийи Ханс-Дитер Флик қишки трансфер ойнасида битта позицияни мустаҳкамламоқчи.
Германиялик мураббийнинг фикрича, жамоага Марк Касадонинг ўринбосарига айланадиган янги таянч ярим ҳимоячи керак. Barca Universal хабарига кўра, Флик "Барселона" раҳбариятидан ушбу позицияни кучайтиришни сўраган, аммо клубнинг молиявий қийинчиликлари туфайли мураббийнинг илтимоси январь ойида қаноатлантирилмаса керак.
"Блауграна" Ла Лига турнир жадвалида "Реал Мадрид"дан икки очко, "Атлетико"дан 3 очко ортда қолиб, учинчи ўринда бормоқда.













