"Ливерпуль" бу мавсумда фақат битта мағлубиятга учради.
Арне Слот шогирдлари АПЛнинг 19-турида "Вест Хэм"ни меҳмонда мағлуб этишди (5:0).
Нидерландиялик мутахассис мавсум оралиғида мерсисайдликларни қабул қилиб олганди. Унинг қўл остидаги жамоа барча турнирларда 23 марта ғалаба қозонган, уч марта дуранг ўйнаган ва бир марта мағлуб бўлган.
Умумий ҳисобда "Ливерпуль" 68 та гол урди ва 22 та гол ўтказиб юборди. 27 учрашувдан 12 тасида жамоа гол ўтказиб юбормаган.
Англия Премьер-лигаси ва Чемпионлар Лигаси турнир жадвалида "Ливерпуль" етакчилик қилмоқда. "Қизиллар" Англия Лига кубоги ярим финалига ҳам етиб борган.
