Каталониянинг "Барселона" клуби ҳимоячиси Андреас Кристенсен "кўк-анорранглилар" энди унинг хизматларидан манфаатдор эмаслиги ҳақидаги хабарга изоҳ берди.
"Ижобий нарсалар ҳақида ўйлашни давом эттириш керак. Клуб менга бу ҳақда ҳеч нарса демади. Улар фақат муваффақиятли тикланишимни айтишди. Мени кутишмоқда", - дейди даниялик футболчи.
Андреас Каталония гранди сафини 2022 йил ёзида эркин агент сифатида тўлдирган эди. У "Барселона" таркибида 75 та ўйин ўтказди, тўртта гол урди ва учта ассист қилди. Томонлар ўртасидаги амалдаги меҳнат шартномаси 2026 йил ёзида тугайди.
