Осиё чемпионати саралаш баҳсларига тайёргарлик кўраётган футбол бўйича аёллар миллий терма жамоамиз кеча ўртоқлик учрашувини ўтказди.
Чиғатойдаги сунъий майдонда бўлиб ўтган баҳсда Владислав Хан шогирдлари 1998 йилда туғилган футболчилардан иборат ўсмирлар термамиз билан куч синашиб кўришди. Мазкур баҳсда қизларнинг қўли баланд келиб, рақиб устидан 4:0 ҳисобида зафар қучишди.
Ушбу учрашувда “Шўртан-Леди”дан икки футболчи – Баҳромова Фазилат билан Ҳақбердиева Гулсара ҳам майдонга тушди. Эслатиб ўтамиз, Тошкентдаги йиғин 2 июнгача давом этади ва шундан сўнг терма жамоа Иорданияга жўнаб кетади.
