ОКМК навбатдаги трансфер босқичида Ўзбекистон ёшлар ва олимпия терма жамоасида ҳаракат қилган 24 ёшли чап қанот ҳужумчисини ўз сафига қўшиб олди.
2000 йил, 9 февралда туғилган Асад Собиржонов фаолияти давомида "Бухоро", "Пахтакор", "Қўқон-1912", "Навбаҳор" ва "Металлург" жамоалари либосида майдонга тушган. Шунингдек, футболчи ортда қолган фаолияти давомида рақиблар дарвозаси томон 6 бор йўл топа олган ва 7 маротаба голли узатмани амалга оширган. Янги мавсумдан бошлаб олмалиқликлар шарафини ҳимоя қиладиган маҳоратли ҳужумчи Асад Собиржонов билан ОКМК ФК ўртасида икки йиллик шартнома имзоланди.
