“Насаф” - “Локомотив” (2:1) учрашувидан кейинги  матбуот анжуманида дастлаб меҳмонлар устози Ҳаким Фузайлов ОАВ ходимлари саволларига жавоб қайтарди.
 
— Ўйлашимча, мухлислар учун бу ўйин жуда қизиқарли кечди. Учрашув бошидаёқ гол ўтказиб юбордик. Геворкян жарима тўпини моҳирона ижро этди. Бу вазиятда дарвозабонимизга ҳеч қандай эътироз йўқ. Голдан кейин ташаббусни ўз қўлимизга олдик. Кўплаб имкониятларга эга бўлдик. Лекин ҳисобни тенглаштириш насиб этмади.  Иккинчи бўлим бошида гол ургунимизга қадар ташаббусни ўз қўлимизда сақлаб турдик. Лекин ҳисоб тенглашгач, очиғи нима бўлганини тушумай қолдим. Ташаббус тўлалигича мезбонлар томонига ўтди. Улар кўплаб вазиятларни юзага келтиришди.  Шунга мос равишда “Насаф” иккинчи голни киритди ва ҳақли ғалабага эришди.
 
— Миллий терма жамоа аъзоси Санжар Турсуновнинг бугунги ўйинини қандай баҳолайсиз?
 — М,енимча у ўз имкониятларининг 65 фоизини намойиш эта олди. Албатта унинг яқинда жароҳатдан қутулиб чиққанини инобатга олиш керак. Албатта МТЖ аъзосидан мухлислар ҳам мураббийлар ҳам бунданда кўпроғини кутишади.  Умуман жамоа аъзолари бугун олдиларидаги вазифани 60 фоизини уддалашди...
 
— Бугунги ўйинда “Насаф”нинг қайси жиҳати сиз учун кутилмаган бўлди. Ёки беллашувдан олдин қаршиликлардан худди бугунгидек ўйин кутганмидингиз?
 — Мен жамоанинг “Пахтакор” билан бўлган ўйинини майдондан кузатгандим. Ўйлашимча, айни пайтда “Насаф” Ўзбекистондаги энг кучли жамоалардан бири деб биламан. Айниқса, жамоанинг ўрта чизиғи жуда кучли. Бугунги ўйинда эса мени ҳайратлантирган томони жамоа ҳужумчилар ўта фаол ҳаракат қилишди. Жамоа ўйинга жиддий тайёргарлик кўргани билиниб турди.