"Барселона" ҳали ҳам ўз жамоаси ярим ҳимоячиси Дани Ольмо ва ҳужумчи Пау Викторни 2024/2025 йилги мавсумнинг иккинчи ярмига рўйхатдан ўтказиши мумкин. Бу ҳақда Испаниянинг EFE ва Sport.es нашрлари журналисти Рожер Перейра ижтимоий тармоқларда хабар берди.
Манбага кўра, яқин икки кун испаниялик футболчиларни рўйхатдан ўтказишни узайтириш масаласида ҳал қилувчи бўлади. Қайд этилишича, агар Испания футбол федерацияси (RFEF) вазиятга аралашса, "кўк-анорранглилар" муаммони ҳал қилиши мумкин. Ишдаги мавжуд вазият "ҳамма нарса ҳал қилинмаган, лекин ҳаммаси йўқотилмаган" деб баҳоланади.
Олдинроқ "Барселона" Ольмо ва Викторни рўйхатдан ўтказа олмагани маълум бўлганди. Ҳар икки испаниялик ҳам январь ойида эркин агентга айланишади.
