"Реал Мадрид" ва Бразилия терма жамоасининг қанот ҳужумчиси Виниcиус Жуниор 2024 йилнинг энг яхши иберо-америкалик футболчиси совринини қўлга киритди, деб хабар бермоқда Испаниянинг EFE ахборот агентлиги.
Шундай қилиб, Винисиус ушбу мукофотни кетма-кет учинчи марта қўлга киритди.
Эслатиб ўтамиз, EFE 1990 йилдан буён Европа ва Лотин Америкасининг испан ва португал тилларида сўзлашувчи мамлакатларининг энг яхши футболчисига мукофот топширади. Ушбу йиллар давомида мукофот бошқалар қаторида Роберто Карлос, Диего Симеоне, Роналдо, Роналдиньо, Лионель Месси ва Криштиану Роналдуга топширилди.
