Испания терма жамоаси таркибида Европа чемпиони, "Барселона" ярим ҳимоячиси Дани Ольмо ўзининг ижтимоий тармоқларида янги йилга бағишланган пост жойлади.
Аввалроқ "кўк-анорранглилар" футболчини рўйхатдан ўтказа олмагани, шу сабабли хавбек январь ойида эркин агентга айлангани хабар қилинганди.
"2025 йил вақти," - деб ёзди Ольмо ўзининг ижтимоий тармоқдаги саҳифасида.
Дани Ольмо ўтган ёзда "Барселона"га "РБ Лейпциг"дан ўтганди. "Барселона" билан олти ой давомида Ольмо барча турнирларда 15 та ўйин ўтказиб, олтита гол урди ва битта голли узатмани амалга оширди.
