"Барселона" Ольмони рўйхатдан ўтказишда Испания футбол федерациясидан ёрдам олмайди.
Аввалроқ "Барселона" Дани Ольмо ва Пау Викторни мавсумнинг иккинчи ярми учун рўйхатдан ўтказа олмагани маълум бўлганди. Ла Лига бу мавсум учун "кўк-анорранглилар"нинг рўйхатидан янги ўйинчиларни олиб ташлади.
Кеча "Барселона" ўз футболчиларини Испания Қироллик Футбол Федерациясида рўйхатдан ўтказиш учун ариза топширди.
Қайд этилишича, ушбу ташкилот Ла Лига розилигисиз футболчиларни рўйхатдан ўтказа олмайди.
АS нашри хабарига кўра, RFEF "Барселона"нинг илтимосини кўриб чиқмайди ва ярим ҳимоячи ва форвардни рўйхатдан ўтказмайди.
